top ad

الجمعة، 30 سبتمبر 2011

فن عقاب الأطفال


mamy1st-child punish 


ارجوكم ما تسمعوش للكلام اللى بيقولكم ان عقاب الطفل هو نوع من انواع القسوة
ارجوكم ما تسمعوش الكلام اللى بيقولكم عقاب الأطفال بيخليهم يتحملوا المسئولية و يبقى النموذج المثالى للشاب اللى بتتمنوه
طيب نعمل إيه ؟ بما انا العقاب مش صح و البعد عن العقاب مش كويس
أحب أقولكم ان العقاب فن  ، عقـاب الاطفال فن لابد على كل أب و كل أم ، كل مدرس ، كل مدرسة ، كل شخص بتعامل مع الأطفال ان يتعلمه و يتقنه كمان  .
لأننا لو ما اخترناش العقاب المناسب للخطأ الفلانى مع سلوك الطفل و سنه ح يتحول العقاب لآداه تعذيب تسـيءالى نفسية الطفل.

من أنواع العقوبات المعتادة  :

1.  الحرمان من شيء محبــــــــوب
2.  إظهار عدم استحسان السلـــــوك
3.أن يترك يتحمل نتائج عمله بعد تنبيهه مسبقاً
مثـــــــــــــــلا :
مشكلة التأخر في الاستيقاظ من النوم، ينبه مسبقاً ثم يترك يتحمل العقوبة في المدرسة
   



4.   و آخر نوع من العقاب و هو مفيد جداً : وهو الحجز المؤقت يعنى أطلب من الطفل الجلوس على كرسي محـــدد جمب اودته أو ممكن يقف في ركن من الغرفة في مساحة صغيرة تُشعره أنها عقوبة ، وتوضع ساعة عشان أعرف ان العقوبة انتهت وهي من خمس دقائق إلى عشر دقائق كافية ... و نطلب من الطفل التنفيذ فوراً بهدوء وحزم وإذا رفض يأخذ بيده إلى هناك مع بيان السبب لهذه العقوبة باختصار ولا يتحدث مع الطفل أثناء العقاب أو ينظر إليه وإذا انتهت العقوبة اطلبوا من الطفل أن يشرح لكم أسباب العقوبة حتى تتأكدوا انه فهم سبب العقوبة

على فكرة هذه العقوبة تطبق على جميع الأبناء و الأطفال من عمر سنتين حتى 12 سنة.

و لكم تحياتى
مامى لأول مرة
http://la3ya3nyno.blogspot.com/

الثلاثاء، 27 سبتمبر 2011

ابنك مدلع .. و بتدور على طريقة للتعامل معاه ؟؟


أخطاء شائعة فى التربية :

1.   سيبى ابنك يدلع ده لسة صغير
2.   تقدرى تغيرى و تعيدى تشكيل سلوك الطفل فى أى وقت
3.   الطفل المدلل مش ح يكون مراهق مدلل.
4.    الطفل المدلل مشكلة عرضية أو مؤقتة
5.   سوء أخلاق ابنك مرحلة وتمر

كل دى نصائح واهية و كاذبة و نهايتها غير جيدة بالمرة
... فإذا لم تعيدوا تشكيل سلوك الطفل المدلل فسوف تعانون من سلوكه السئ مدى الحياة و خصوصا فى فترة المراهقة لأن غالباً سيكون سلوكه أسوأ، وعندما يكبر قد يجد صعوبة فى التكيف مع أمور الحياة والناس لأنه يكون قد اعتاد أن يحصل على ما يريد عن طريق استخدام سلوكه السئ.

إزاى تعرفى ان ابنك طفل مدلل :
1.   يثور عندما لا تلبوا احتياجاته ويذعن أبواه لرغباته بغض النظر عن وجهات نظرهما هما.
2.   يبكى ويدبدب بقدميه ويلقى بنفسه على الأرض وهو ثائر.
3.   الطفل المدلل لا يلتزم بالقواعد التى وضعتها والدته و الكارثة الأكبر ان الأم أو الأب هما إللى يستسلموا لسلوكه السئ، و هما بالشكل ده بيعلموا الإبن أنه يستطيع الحصول على ما يريد عن طريق السلوك السئ.

كيف يقع الآباء فى هذه مصيدة الطفل المدلل؟
و هنا ح نتكلم عن الطريقة اللى بيها الآباء يفسدون أطفالهم بدون قصد و ده بيحصل بالخطوات دى:
·       عدم وضع قواعد محددة يتعايش بها الأطفال.
عدم الحرص على الالتزام بالقواعد.
عدم مكافأة الأطفال عندما يحسنون التصرف.


وضع قواعد محددة :
·        انصح كل أب و كل أم انهم ما يخافوش من وضع نظام تربوى للأطفال ... لأن الطفل يشعر بالأمان فى وجود روتين وقواعد معينة فى حياته. ... لكن كمان القواعد اللى الأهل بيحطوها يجب أن تكون منطقية ومناسبة لسن الطفل... وكلما كبر الطفل يجب أن تتغير القواعد أو تعدل لتناسب سنه.
نموذج للقواعد اللى لازم الطفل يتبعها :
1.   نعمل وقت محدد للأكل
2.   أوقات اللعب
3.   ميعاد للنوم
4.   أيام للنادى
5.   ايام للزيارات العائلية
6.   وقت لممارسة الهوايات
و بالطريقة دى ح تقدروا تختصروا و ممكن كمان تقضوا على المشاجرات اليومية بينك وبين أطفالك. .. و يجب مراعات الثبات فى وضع القواعد وتطبيقها هام جداً للحفاظ على السلوك الطيب لطفلك.

مكافأ الطفل الجيد و السلوك الجيد منه :
لا يجب ان يمر سلوك الأطفال الجيد مرور الكرام و التعامل معاه على انه أمر  مسلم به .. لكن لازم نكافئ الطفل فى كل مرة يحسن من سلوكه و يطور نفسه و يجيد التصرف ... لازم أمدحه ، أكافئه ... و اوعوا تتجاهلوا السلوك الجيد وكأنه شئ عادى ومتوقع.

مثلا لو سمعت كلمة "حاضر يا ماما" ، يجب أن نمدحه على صبره. .. و عشان كدة ضرورى جدا أن يجدد الأبوان  طريقة لمدحهما للطفل، فلا تستخدما دائماً نفس ألفاظ وكلمات المدح لأنه بعد قليل ستبدو كلماتكما مكررة ولن يشعر طفلكما أنه يكافأ.


با كل أ[ و يا كل أم كونا أصحاب الفعل وليس رد الفعل:
تنصح الأبوين بأن يواجها السلوك السئ للطفل بشكل هادئ.... على سبيل المثال نقول لإبننا : "أنا عارف أنك عايز تشترى اللعبة دى ، لكن احنا ح مش نشترى لعب النهاردة لأن البيت محتاج بقالة ".... ده مثلا ... و أرجوكم ما تصرخوش و  لا  تثوروا ، لأنكم بالشكل ده بتنشطوا  السلوك  الشئ عند طفلكم


طيب لو الطفل كبر و هو مدلل نعمل معاه إيه ؟؟؟ و لا أى حاجة ، نستخدم معاه نفس الأسلوب لكن ح نغير لغة الحور و نخليها مناسبة لعمر الطفل

دعواتى لكم بالتوفيق
و لكم تحياتى
مامى لأول مرة
http://la3ya3nyno.blogspot.com/

الجمعة، 23 سبتمبر 2011

حفظ القرآن و تشجيع الأطفال عليه بطريقة سهلة و بسيطة


سؤال مهم جالى من أم :

قررت أحفظ ابنى  القرآن كتابة و قراءة وهو الان دخل المدرسة هو مستواه كويس لكن احيانا اشعر ان ملكة الحفظ عنده ضعيفة وبيسرح اثناء التسميعوده طبعا بيؤثر عليه ولو كان فيه كلمة متشابهة مع اخرى في سورة تانية يلغبط الدنياهو الان في الجزء الرابع اغمل معاه ايه

الإجابة :
لازم نعرف ان الأطفال فى السن ده و خصوصا الذكور عقلهم فى اللعب و ده بيدى احساس بانه قليل التركيز ... و عشان نحكم على تركيز لازم نراقب عدة أشياء :
- الطفل بيآكل كويس و خصوصا وجبة الفطار
- ملكة الطفل فى فك الأشياء و تركيبها جيدة فده يعنى ان ابداعه متجه فى مكان تانى غير الحفظ .. مش لازم كل الإطفال تبقى بتحفظ بدرجة 100 %
- اخطاء الطفل فى التسميع قليلة بالنسبة لطول المدة و سرعة الحفظ ... الطفل إللى بيحفظ بسرعة بينسى بسرعة لو مافيش مراجعة باستمرار ، عشان كدة لو دربنا الأطفال على الصلاة فى العمر ده و بيصلوا بالسور اللى حفظوها بتبقى اكبر تدريب لهم و حافظ لهم من النسيان

و انصحك بتحفيز طفلك على الحفظ بربط الحفظ بالأشياء التى يحبها ابنك ،و تعمليهاله على شكل جوايز لو حفظ – احذرى ان تكون جوائز مادية او مالية – ممنوع حفظ القرآن مقابل المال أو الحلوى – لكن ممكن الحافز يكون اننا ح نروح النادى ، نقابل اصحابه إللى بيحبهم ، ح نروح نزور فلان ، ح نعزم عندنا علان
فالتشجيع المعنوى افضل للطفل و مستقبله ، و الشكر و الثناء على الطفل من أكتر الحاجات إللى بيحبها الطفل و بتشجعه على استمرار الحفظ و الرغبة فى المزيد ، و بتعوده على الصبر على الحفظ عشان يوصل لمراده من التشجيع او الأحضان و القبلات التى تغمره به الأم عشان هو طفل جميل و أشطر الشاطرين

فطار الطفل مهم للحفظ:
لازم يكون غنى بالبروتين و السكريات ، يعنى يكون فيه بيض و جبنة او بيض و لبن .. و مربى او عسل او حلاوة عشان طاقة اللعب .. و نتأكد ان الطفل ما عندوش أنيما او محتاج فيتامين حديد

و مش لازم فطار الطفل يآكله كله مرة واحدة ، ممكن على مرتين .. فطار و سناكس .. أو فطار و سندوتشات فى المدرسة


إزاى أحفظ الطفل القرآن من غير أى توتر : 




إزاى أحفظ الطفل القرآن من غير أى توتر :

ـ الأول نحب الأطفال فى القرآن و ما نغصبهمش على الحفظ أبدا ، لأننا لو اجبرناهم نبقى بنبعدهم عن القرآن من غير ما نقصد ونفتكر اننا ما نغصبش عليهم فيملوا و يزهقوا و كمان ما نسبهمش يهملوه فيبعدوا عنه و لما يكبروا يبقى مجرد ديكور فى البيت و بس


العوامل المؤثرة في قوة الحفظ و ثباته :
1.    الرغبة الداخلية لدى الطفل و دى طبعا تتوقف على درجة تحبيبنا فى القرآن و المصحف و الايات و الحفظ  
2.    كلما زادت الرغبة فى الحفظ وقويت سهل الحفظ وتيسر، حتى وإن كانت القدرات الذهنية متواضعة والعكس صحيح
3.    تحويل الآيات اللى حفظها الطفل إلى عمل ، لأن كثرة الحفظ وحدها لا تكفي لتنشئة الطفل تنشئة إسلامية صالحة، إذ ينبغي أن تعلم للطفل الأسس الصحيحة الواردة في الكتاب والسنة، ودعم ذلك بقصص من سيرة النبي صلى الله عليه وسلم وسيرة أصحابه و من التابعين ..  مثل: آداب التعامل مع الوالدين والأخوة، واجتناب الحسد والكذب والغيبة والنميمة، ومعرفة آداب الأكل والشرب والنوم

مفاهيم لازم تبقى واضحة فى ذهننا و احنا بنعلم الطفل و بنحفظه :


·       الطفل مجبول على البراءة، والتصديق، وقبول المفهومات من غير محاكمة لها أو تحليل، فلابد من تحصين الطفل بالقدر المناسب من المعلومات الصحيحة، والتوعية العملية لئلا يحصل له تناقض بين ما يتعلمه من مفهومات صحيحة، وبين ما يراه ويعايشه من أفكار وسلوكيات خاطئة.
·        قد يقع الطفل في كثير من الأخطاء السلوكية والفكرية (حتى وإن حفظ القرآن كاملاً) مادام أنه لم يتلق تربية عملية صحيحة متسقة مع أخلاق القرآن.
ولتعويده علو الهمة يمكن إعطاءه حوافز أكبر ، مع مطالبته بإنتاج أكبر ويمكن أن تستعيني بعدد من الكتب في هذا الصدد منها
- "تربية الأولاد في الإسلام " لعبد الله علوان (رحمه الله). 
- "منهج التربية النبوية للطفل " لمحمد نور سويد.
- "مسئولية الأب " لعدنان باحارث.
- "واجب الآباء نحو الأبناء" للشيخ أحمد القطان.
وفقك الله وأعانك. 

و لكم تحياتى
مامى لأول مرة
http://la3ya3nyno.blogspot.com/

آداب اسلامية نقدر نعلمها لأطفالنا قبل سن المدرسة


      
 - عندما أقابل أى شخص أقول له:

                               1/ السلامُ عليكم ورحمةُ الله وبركاته
                               2/ أُصافِحُه بيدي اليُمنى
                               3/ أَبتَسمُ في وجهِه

           آدابُ الاستئذان :

        1/ الاستئذانُ ثلاثُ مرات
        2/ لا أقِفُ أمامَ البابِ ولكن عن يمينِه أو شمالِه
        3/  لا أُزعِجُ أهلَ البيتِ بكثرةِ طَرْقِ البابِ أو الجرس
        4/ أقولُ: (السلامُ عليكم) عند الدخولِ والخروج


     آدابُ العُطاس :

1/ أَخفِضُ صوتي عندما أَعطُس
2/ أَضعُ شيئاً على فمي (يدي أو الأفضل يكون منديل)
3/ أقولُ: (الحمدُ للهِ) بعد العُطاس
4/ إذا عَطَسَ أخي المسلم
فحمَدَ الله أقول له: يرحمكَ الله
5/ فيردُّ عليّ: (( يَهديكم الله
     ويُصلِح بالَكم))


و لكم تحياتى
مامى لأول مرة

الثلاثاء، 20 سبتمبر 2011

شاركوا اولادكم اللعب و الغناء و الرسم عشان لما يكبروا يشاركوكم




ممكن تقولى ايها الأب امتى آخر مرة لعبت مع ابنك او بنتك ؟؟ و حضرتك ايتها الأم المرهقة الفطسانة امتى آخر مرة لعبتى مع ابنك او بنتك ؟؟
و طبعا كلنا ح نقول امتى ، حرام عليكو ، انتوا مش حاسين بينا ، انا تعبان و شقيان برة البيت .. و الأم تزود و تقول " و جوة البيت و الله " و تبدا رحلة المناحة الدولية .


أحب أقول لحضرتك و لحضرتك الحكاية مش عايزة أكترمن خمس دقايق فى اليوم .. و صدقنى انت إللى حج تتحايل على ابنك عشان يلعب معاك 


و تعالى جرب معايا .. شغل الأغنية الموجودة فى الفيديو ده ، و اقف شوط الكرة مع انغامها مع ابنك .. و لو كانت بنت خليها تنط الحبل على انغامها .. و قولولى النيجة بعد كدة .


- الأب و الأم تخلصوا من الطاقة السلبية إللى جواهم
- كورس رياضة قادر يرفع معنويات الأهل و ينعكس على الإبناء
- الإبن سعيد جدا ان افب او الأم بيشركه اللعب
- معنى السعادة الحقيقى للأبوة او للأمومة ، ما بنحسوش كتير بسبب الإرهاق إللى مالى حياتنا طول اليوم


القضاء على مشاكل المراهقة يبدا من مرحلة الطفولة المبكرة :
 كلنا او نعظمنا بنشكى ان ولادنا فى سن المراهقة مهتمون بأصحابهم و زملاءهم و يريدون الإنسلاخ عن الأهل و العائلة .. و السبب ان الأهل هما إللى انسلخوا عنهم لما كانوا صغار 
ــ عشان كدة ارجوكم اقعدوا ارسموا مع ولادكم
ــ اللعبوا معاهم : كرة ، نط حبل - ليدو - شطرنج - السلم و التعبان - جرى ورا بعض لو المكان يسمح ... كل أشكال و انواع اللعب تنفع
ــ اختاروا اغانى من نوعيات جيدة : يعنى اللحن يكون مصرى صميم ، و الكلمات تكون جيدة و لها معنى مفيد ، سواء كانت أغانى دينية ، وطنية ، أغانى أطفال مفيدة 
ــ اقعدوا اتكلموا مع أطفالكم ، إسألوهم عم أى حاجة و سبوهم ينطلقوا فى الكلام ، انتوا بالشكل ده بتعلموهم فتح حوار معاكم ، و أوعدكم انكم لو عملتوا كدة ان شا الله خمس دقايق فى اليوم وشدكم ح يمروا على سن المراهقة مرور الكرام ، و أى مشكلة ح يقعوا فيها مش ح يلاقوا حد تانى يحكوله غيركم 


و لكم تحياتى
مامى لأول مرة
http://la3ya3nyno.blogspot.com/

حدوتة حوت سيدنا يونس عليه السلام - جزء2



عايزين تحكوا حواديت لولادكم
و ما بتعرفوش
ولا يهمكوا
جبنالكم حكاية من قصص الاطفال اللى ان شاء الله يحبوها اوى


شوفوها مع ولادكم و دردشوا معاهم فى الحدوتة و الهدف منها و اسألوهم اتعلموا ايه ؟؟
و لكم تحياتى
مامى لأول مرة
http://la3ya3nyno.blogspot.com/




حدوتة حوت سيدنا يونس - عليه السلام -

عايزين تحكوا حواديت لولادكم
و ما بتعرفوش
ولا يهمكوا
جبنالكم حواديت من حواديت الأطفال
شوفوها مع ولادكم و دردشوا معاهم فى الحدوتة و الهدف منها و اسألوهم اتعلموا ايه ؟؟
و لكم تحياتى
مامى لأول مرة

http://la3ya3nyno.blogspot.com/





حدوتة " حوت سيدنا يونس ت الجزء 1, posted with vodpod

الأربعاء، 14 سبتمبر 2011

معاملة طفل عمره سنتين - طريقة تكوين شخصيته



اول خطوات تربية الطفل و تكوين شخصيته يبدأ من عمر سنتين .. و لكل أب و لكل أم عايزة تعلم ابنها الإستقلالية و الإعتماد على نفسه لازم يعرفوا النقاط الهامة دى :

·          الطفل الصغير  لا يحسب نفسه جزءاً من الأهل

·          الطفل لا يعتبر الأم و الأب هو المتحكم الأول بقراراته والشخص الذي ييسر له كل الأمور

·         الطفل لا ينظر إلي الأهل على أنهم مرآته الوحيدة التي يرى من خلالها نفسه والعالم من حوله. .. و ده مش معناه لم يصبح ان ابنى بقى كبير و يقدر يعتمد على نفسه بشكل كافى ، لكن هو حاسس أنه شخص له حقوقه وأن  قادر على تحمل مسؤولية نفسه ونتيجة أفعاله وتأثيرها عليها الأهل .

·         فى سن سنتين الطفل و الإبن يدرك تماما  انه بدأ لتوه بإدراك انفصاله عن الأهل

·         لازم كل أب و كل ام تعرف ان ابنهم  شخص مستقل عنهم  .. و لو ماصدقتوش الحكاية دى ح تلاقوا ابنكم بينتزعها منكم ، و تبدأ رحلة صراع عنيف بينكم رغبة من الطفل التأكيد على استقلاليته التي شعر بها مؤخراً. .. وفي كل مرة يطرح الموقف نفسه ح نلاقيه بيصرخ "لا!" أو "اتركونى!" محاولاً بذلك تحدي سيطرة الاهل عليه وإنكار حاجته إلى مساعدتك.

·         و ده مش ح يتعارض مع بكاءه او عياطه عند خروج الأب أو الأم أو أى حد من الأهل إللى بيحبهم  ، و يخرج من الغرفة  رافعاً ذراعيه إلى أعلى كي يحمله الكبير ... و نفس الموضوع يتكرر لما يكون الطفل محتاج للأكل و عارف ان لازم الكبير هو إللى يحضره ، و يبدأ يعيط  و هو  يعلن رغبته في الطعام عن طريق فتح فمه كي يتم إطعامه.


لازم أفهم حالة التناقض اللى بيعيشها ابنى :
طبع فى امهات و اباء كتير بيتلخبطوا من تصرفات ولادهم دى ، و تحديدا فى السن ده و هو سنتين من العمر .. لكن لازم نعرف و ندرك ان سلوك
الطفل  المتقلب و اللى بيكون محيراً بالنسبة للاهل، هو كمان مؤلماً بالنسبة للابن فى عمر السنتين ... فهو عايز تكوين شخصية مستقله و فى نفس الوقت ما بيشعرش  بالأمان إلا بقي بالقرب من الأهل و خاصة الأم ...  سيبدأ برفض سيطرتك الكاملة عليه مع أن تقبّلها أمر أكثر سهولة. سيفضّل أشياء ويكره أشياء أخرى ويسعى وراء مطالبه حتى وإن تعارضت مع رغبات الاهل و الام و الاب ، غير أنه سيشعر بالتهديد الذي يمثله هذا التعارض. ما زال يحب امه و ابيه حباً جماً خارج المنافسة ويعتمد عليهما بشكل كامل من ناحية الدعم العاطفي. هو يعيش التناقض ما بين حتمية الاستقلالية وضرورة الاستمتاع بالعاطفة.
أخطاء تقع فيها الأم خاصة و الأهل عامة :

·       إذا كنت تتوقعين أن طفلك الدارج سيظل الطفل الرضيع المطيع نسبياً، فهذا معناه المشاكل المباشرة فيما بينكما.
·       الطفل يحتاج إلى الحب و التأييد، لكن حاجته إلى النمو والتطور لن تتيح له تقبّل الاعتماد الزائد علي الأم خاصة و الأهل عامة .
·       محذروا على الأم ان تقرر الإبتعاد عن الطفل و رفضه لأنه يفرض أراه و قراراته لأنك بالشكل ده بتدمرى شخصيته و بتحسسيه انه غير كفء.
·       تمتنع الأم عن  مساعدة الطفل و غمره بالحنان لأنه يكون شخصيته ... لازم تعرفى انك لما بتعملى كدة برضه بتدمرى شخصية ابنك .. لأن حنانك  هو إللى بيساهم فى تكوين شخصية ابنك و بيأكدله انه شخصية قوية



القاعدة الذهبية لتكوين شخصية الطفل :
 المبالغة في معاملة افبن كطفل صغير سيصبح مدللاً. .. وإذا قسوت عليه سيصبح شخصاً متذمراً متمردا .

أفضل الحلول الوسط

إزاى أربى ابنى بشكل يخلي شخصيته قوية و فى نفس الوقت مش مدلل و لا متمرد :

-        نسمح للطفل بخوض المغامرة و احنا بنراقبه من بعيد عشان نحميه من الوقوع في المتاعب
-        نسمح للطفل فى خوض تجارب مختلفة فى تقليد الكبار و نساعده على تجريب ما حوله، وفي الوقت نفسه نخفف من أى فشل يقع فيه و نحسسه  ان المرة الجية ح يكون أحسن و أكيد ح ينجح
-         نحاول نفهم الطفل الثوابت العامة و القواعد العامة للأشياء من غير ما نقلل من احساسه بنفسه

إيه معنى ما نقللش احساس الطفل بنفسه :

-        يعنى  الطفل وحده سيد قراره.
-        ما نحاولش خداع الطفل بالمظاهر الكاذبة

شخصية الطفل فى عمر سنتين :

-        الطفل البالغ من العمر عامين أكثر نضجاً مما يشعر في العديد من النواحي. ربما تطورت طريقة مشيه وكلامه ولعبه بدرجة كبيرة، حتى أنه يشبه خارجياً طفلاً في الثالثة من عمره، لكنه داخلياً لم يصل في إدراكه وخبرته إلى حد المقارنة بمن هم في سنّ الثالثة.
-         إذا عاملنا الطفل فى هذا السن على أنه رضيع سيتأخر في نموه بينما المطلوب أن يتعلم ويفهم، وهذا يأتي عن طريق الخبرة.
-        أما إذا عملناه مثل طفل في مرحلة الإعداد لدخول المدرسة، فستضعينه تحت ضغط غير محتمل. يجب أن يحصل على المساعدة كي يفهم، ويجب أن يتعلم بالخبرة المبسّطة.


و لكم تحياتى
مامى لأول مرة

midlle ad