ابنى عمره شهرين و عشر أيام و وزنه ستة و نص كيلو ، و اتولد وزنه 3 كيلو ، و انا كمان تلت شهور ح أنزل الشغل . . و فى الحالة دى أنا مضطرة أديله لبن صناعى ؟؟
و لا أعمل إيه ؟؟؟
و لا أعمل إيه ؟؟؟
الإجابة : أبدا ، انتى مش مضطرة تدى ابنك لبن صناعى . . فيجب على كل ام ان ترفع شعار " لا للبن الصناعى ــ لتحفظ على صحة رضيعها " . . و الحل انك تجيبى شفاط يدوى او كهربائى لتشفيط لبن صدرك . . هو صحيح الشفاط الكهربائى مكلف شوية ، لكن تكلفة اللبن الصناعى إللى ح تديها لرضيعك تساوى قيمة تمن الشفاط الكهربائى ، الفرق انى حافظت على صحة أبنى
تشفطى اللبن من صدرك و تضعيه فى ببرونات صغيرة او فى برطمنات زجاجية معقمة . . أحفظى برطمنات اللبن الطبيعى بالثلاجة لمدة 48 ساعة و حتى 72 ساعة ، و لو حطتيه فى الفريزة و اللبن اتجمد ممكن يكون صالح لمدة أسبوعين . . خرجى اللبن من الثلاجة و دفيه فى حمام ماء ساخن ، ضعى نقطة على ظهر يدك عشان تتأكدى انها دافية و مناسبة لحرارة جسم الرضيع ، حتى لا يصاب بنزلات معاوية
و يمكنكم سماع هذا الموضوع من الدكتور رفعت الجابرى استشارى الأطفال و حديثى الولادة على الرابط التالى
طريقة تعقيم البرطمانات أو الببرونات :
أغسلها بليفه نظيف غير المخصصة للأطباق و الأوانى المنزلية ، اغسل البرطمان أو الببرونة بالماء و الطابون ، ثم أضعها على إناء ممتلأ بالماء على النار حتى يغلى ، اخرجها من الماء المغلى بواسطة مساكة ، فلا اتركها فى الماء ختى يبرد و لا اضع يدى فى الماء المغلى طبعا
نصيحة لكل أم تنزل إلى العمل :
لا تعطى ابنك لبن صناعى ، و لكن شفطى اللبن الطبيعى من صدرك و اعطيه لإبنك فهذا يفيده أكثر . . و طبعا لا تسرعي فى ادخال الطعام لإبنك بسبب نزولك للعمل ، فلا طعام قبل ست شهور ، لكن لو وزن ابنك وصل سبعة كيلو قبل ان يصل عمره لست شهور تقدرى تأكليه خضار مسلوق و فاكهة مضروبة فى الخلاط
و لكم تحياتى
مامى لأول مرة
و لكم تحياتى
مامى لأول مرة
